NATAAL

Ooh Natàal di mè dì

senza tanti surprees e regaj

Finamai, cumè segn,

l’era quel panetun

mettuu lì,

tajaa a fett, poo daa- via:

cun quel àtu in la man

che sa slunga

a ciamà in da la meent

un dà-via senza cuunt

da quell ben infinii

che nasseva in quel dì….

Ooh Natàal del me temp

ragunduu in un cantun:

slargass fò,

ciapà post in la meent!..

“ Là sul fooch, gh’è un bel sciucch,

gh’è ‘l vin biaanch: quell de pomm,

a gh’è nuus, gh’è niscioll,

gh’è uduur da buséca,

da broo da capun,

da ginestar, da pin,

da pell che sbruséga

d’un quai mandarin…

e in da l’aria, i canzun…

Ma i paroll …in dua inn?...”

da tropp ann ja canta nessun!

Ooh Natàal di me dì,

quanti ropp s’è perduu!...

Gh’è restaa ‘l panetun:

aah, quell sì!...

Setass-giò, che una feta

L’emm tajada par tì!

AUGURI